Hrajkanišćo KRABAT bu 20. meje 2006 w zwisku z pjatym KRABATowym-swjedźenjom poswjećene. Nasta w Kamjencu při arealu Čerwjena wěža / Schillerowa promenada, na ležownosći něhdyšeje kołbasoweje fabriki.

Znaty wuhotowar drjewa Jürgen Bergmann, wunamakar a tworićel kulturneje kupy Einsiedel, je hrajkanišćo z motiwami z powěsće wo Krabaće naćisnył a natwarił. Tak so stary młyn z Čorneho Chołmca jako hrajkanski nastroj zaso namaka, ale tež dwanaće rapakow je so tu zadomiło.