Krabatowy młyn
w Čornym Chołmcu
Młyn powěsćow
KRABATowa wjes Čorny Chołmc je zawěrno městno kuzłanja w idyliskej Hornjej Łužicy. Tu, hdźež bě něhdy žiwy serbski kuzłar Krabat a přećiwo swojemu přećiwnikej a wučbnemu mištrej Čornemu młynkej wojowaše, da so wjele wotkryć.
Wjesny dźěl města Wojerecy je wot Krabatoweje powěsće charakterizowany, hač je to krasna nawjes ze studnju a ze stołom abo lubosćiwje wuhotowane keramikowe rapaki na tři- a štyristronskich statokach.
W Kózłom w Čornym Chołmcu bu hižo wjacore lěta powěstny čorny młyn znowa stworjeny. Rustikalne twarjenja buchu w lubosćiwym ručnym dźěle zhotowjene a z originalnymi rekwizitami z kinoweho filma „Krabat“ wuhotowane. Klepotacy młyn twori nimo toho wosebitu atmosferu. W burskej stwě so domjace plincy a drje po cyłej Němskej prěni čorny lód serwěruja.
Zakuzłane nic jenož kulisy dla, kotraž was tu wočakuje, ale tež na zakładźe idejow, kotrež so tu zrodźa. Hižo nětko je to wopytowarski magnet za hosći z cyłeje Němskeje. Kulturne wjerški běchu swjedźenske hry KRABAT, předstajenja Serbskeho ludoweho ansambla Budyšin, Němski dźeń młynow, open-air-kino abo žnjeński swjedźeń. Tute wotměwachu so lětnje a zawjeselichu wopytowarjow zbliska a zdaloka. Wot lěta 2024 přewjedźemy město Krabatowych swjedźenskich hrow, powěsć wo Krabaće w swójskej režiji.
Aktiwni turisća móža sej powěsćowy wjesny dźěl přez pućowanske a kolesowanske šćežki, přirodne wučbne šćežki abo jěchanske šćežki wuslědźić.
Dajće so zakuzłać!
