Mjez Budyšinom, Kamjencom a Wojerecami pućuja kolesowarjo na slědach serbskeje bajoweje postawy Krabat.

W měšćanskim wobłuku Budyšin – Kamjenc – Wojerecy je region KRABATa (KRABATowy kraj). Swoje mjeno dósta tuta kónčina přez stawiznički a powěsće, kotrež wo serbskim Fausće – Krabaće, drje najznaćišej powěsćowej figurje dwurěčneje Łužicy, powědaja.

Najwjetši dźěl swojeho žiwjenja přežiwi we wsach wokoło Wojerec. W Čornym młynje pola Čorneho Chołmca  nawukny wón pola Čorneho młynka kuzłarske rjemjesło. Na torhošću w Kulowje (Kulow) ćěrješe wón z bohatymi skótnymi wikowarjemi swoje žorty. Nana sakskeho kurwjercha wuchowa před Turkami a zadźěwa tež mordarstwu na nim. Jako wudwórny wobsedźer we Wulkich Ždźarach  činješe z pomocu swojich magiskich mocow chudu pódu płódnu, powodźowaše zeschnyte sywy a kładźeše tonidła. Jako so po jeho smjerći běły kołp k njebju pozběhny, prajachu serbscy burja: „To je přewod wulkeho Krabata. Njebudźe nas wopušćić a so wo to postarać, zo stanjemy so ze swobodnym a zbožownym ludom.“