jako krajny rada Budyskeho wokrjesa je mi wosebita česć, patronat nad lětušim tydźenjom KRABATa přewzać.  Powěsć wo Krabaće je hłuboko we Łužicy zakorjenjena a je generacije ludźi fascinowała.  Je jimace, kak KRABAT z.t. na tutu legendu nawjazuje a tutu w našim regionje wožiwja.

Towarstwo KRABAT z.t. pokazuje nam z wulkim angažementom, kak wažne je, našu regionalnu identitu wobchować.  Při tym njeńdźe jenož wo tradicije, ale tež wo powšitkowne derjeměća – wo začuće domizny, zwjazanosć a naslědnosć. Z KRABATowym tydźenjom zdokonjeja čłonojo towarstwa a jich kooperaciski partnerojo jónkrótne dožiwjenje podłu kolesowarskeje šćežki KRABAT, kiž je zwjazowacy element našeje kónčiny.

Tutón tydźeń je wjace hač jenož swjedźeń, je to přeprošenje mnohotnosć našeje domizny – njech  rěčnje, kulturnje, krajinsce abo kulinarisce wotkryć a sej wažić.

Kolesowarska ščežka KRABAT skića domoródnym kaž tež hosćom šansu, rjanosć a bohatosć Hornjeje Łužicy zbliska dožiwić.  Wjeselu so wosebje, zo  KRABATowy-tydźeń akterow z třoch LEADER-regionow zjednoći a skića platformu, kreatiwne ideje a nowe spočatki do přichoda za naš region wuwić.

W tutym zmysle dźakuju so wšitkim, kotřiž tutón tydźeń zmóžnja, a přeprošuju Was wutrobnje tutu bohatosć a rjanosć našeje domizny swjećić.

Z najlěpšimi postrowami,

Udo Witschas
Krajny rada wokrjesa Budyšin